Island Vaknar

Ísland vaknar á Selfossi.

Jón Axel er kominn með nóg af því að Kristín Sif vinni alltaf lagakeppnina og greip til örþrifaráðs með afleiðingum sem heyra má í þætti dagsins.  Kristín Þórsdóttir kynlífsmarkþjálfi ræddi vanda karla í kynlífi, Sveinn Waage fór yfir vikuna með sínu nefi og farið í var í skemmtilega leiki.  Þetta er aðeins brot af því helsta sem heyra má í þætti dagsins.

Þríeykið í Ísland vaknar er uggandi eins og aðrir yfir mögulegu yfirvofandi gosi og færði hlustendum upplýsingar um stöðu mála eftir því sem leið á morguninn.  Þar að auki fræddust þau um hlaup í Dyrhólafjöllum sem verður haldið næstkomandi sumar og ræddu við Albert Eiríksson um viðtalið við Harry og Meghan sem verður á dagskrá í Sjónvarpi Símans á Mánudaginn í næstu viku.  

Í fimmtudags-útgáfu Ísland vaknar var farið yfir skjálftann í gær og Ármann Höskuldsson sagði okkur hvers vænta má í framhaldinu.  Halldór Gunnar og Sverrir Bergmann í Albatross kynntu nýtt lag frá hljómsveitinni og Sverrir tilkynnti að kona hans og hann eigi von á barni.  9kl9 var á sínum stað og aldrei þessu vant sagði Stína kótilettu-brandara.  Þetta og margt fleira má heyra með því að hlusta á þátt dagsins.

Þessi þáttur af Ísland vaknar var á dagskrá rétt áður en skjálftahrinan hófst.  Að vanda hristust Jón, Kristín og Ásgeir en þó aðallega af hlátri.  Þóra Sigurðardóttir ritstjóri Matur á mbl.is mætti í heimsókn og fór yfir það heitasta í mataruppskriftum, Simmi Vill var á línunnni og fór yfir nýjustu vendingar í sóttvarnarreglum með sínu eigin nefi.  Föstu liðirnir voru að sjálfsögðu á sínum stað og hlustendur voru vel með á nótunum.

Atriði sem pirra konur við karla á stefnumótum, Iddi Biddi með fréttir af landsbyggðinni, 9kl9 og Svaraðu rangt til að vinna var á meðal þess sem var í boði í Ísland vaknar þennan Þriðjudagsmorguninn.  Þórólfur Guðnason var á línunni, en hann segir meðal annars að hann ætli ekki að fara til útlanda fyrr en í fyrsta lagi á næsta ári.  Félag áhugafólks um tímaferðalög kemur einnig við sögu í þessari útgáfu af Ísland vaknar.

Þríeykið í Ísland vaknar var létt í lund þennan Mánudagsmorguninn og velti fyrir sér ýmsum málum.  Rómantíkin var ofarlega á baugi í kjölfar konudagsins.  Reyndar sagði JAX að hjá honum væru allir dagar konudagar.  Í þættinum voru áhugaverð viðtöl um góða leið til að skoða loftgæðin hjá sér til að geta brugðist við ef til þarf, hvernig ungir knattspyrnumenn geta sótt sér væna styrki til að stunda nám við bandaríska háskóla og svo sagði Björn Ingi frá lopapeysunni sinni sem setti íslenskt prjónasamfélag á annan endan um helgina.  Ellý Ármanns spáði fyrir hlustendum og virtist hitta naglann á höfuðið eins og oft áður.

Föstudagsfiðringurinn sveif yfir vötnum í þætti morgunsins.  Lagakeppnin var á sínum stað, Stjörnu-Sævar kom í heimsókn og útskýrði allt um lendinguna á Mars, Kristín Þórsdóttir, nýútskrifaður kynlífsmarkþjálfi var í heimsókn og Sveinn Waage skólastjóri Bjórskólans gerði grín að sjálfum sér í vikulokin.  Elín Hrund Garðarsdóttir sendi eiginmanninn Ásgeir með kökur sem hún bakaði úr Milka-Oreo súkkulaði og þríeykið fór nánast að tala dönsku af gleði yfir bragðinu og Jón Axel sem vill verða áhrifavaldur birti myndir af kökunum á Instagram síðu sinni, en hann bætti við um 100 fylgjendum í þætti morgunsins.  Leikurinn 9kl9 sló í gegn.  Heyrn er sögu ríkari.  :)  Góða skemmtun.